കൊച്ചി: ഭിന്നശേഷി ദിനത്തിന്‍റെ ഭാഗമായി സിനിമ പ്രദർശനം നടത്തി. സമഗ്ര ശിക്ഷ കേരളം, എറണാകുളം ജില്ലാ പ്രോജക്ട്, അങ്കമാലി ബി ആർ സി യുടെ കീഴിൽ പഠിക്കുന്ന വിവിധ വിദ്യാലയങ്ങളിലെ ഭിന്നശേഷിക്കുട്ടികൾക്കാണ് സിനിമ പ്രദർശനം നടത്തിയത്. കുട്ടികളുടെ രക്ഷിതാക്കളും അധ്യാപകരുമുൾപ്പെടെ 140ഓളം ആളുകൾ പരിപാടിയുടെ ഭാഗമായിരുന്നു. കുട്ടികളുടെ രക്ഷകർത്താക്കളും അധ്യാപകരും ഉൾപ്പെടെ 140ഓളം പേർ പരിപാടിയിൽ പങ്കെടുത്തു. 2025 നവംബർ 29 ശനിയാഴ്ച അങ്കമാലിയിലെ എസ്. ടി. തീയറ്ററിൽ വച്ചായിരുന്നു സിനിമ പ്രദർശനം. കുട്ടികളും അവരുടെ രക്ഷിതാക്കളും ആവേശഭരിതരായി പരിപാടിയിൽ പങ്കെടുത്തു.
എസ് എസ് കെ ജില്ലാ പ്രോഗ്രാം ഓഫീസർ ശ്രീമതി ദീപ ദേവി വി ആറിൻ്റെ അധ്യക്ഷതയിൽ തൃശ്ശൂർ ജില്ലാ രജിസ്ട്രാർ ശ്രീമതി ഉഷ മാനാട്ട് (KAS Officer)ഉദ്‌ഘാടനം നിർവഹിച്ചു. ബിപിസി ശ്രീമതി ഷിനി കെ.എൻ, ശ്രീ ജയകുമാർ (എച്ച്എം ഫോറം സെക്രട്ടറി),ട്രെയിനർ ഡോ. വീണ ലക്ഷ്മി, സി.ആർ.സി.സി ആൻസി മേരി കുര്യൻ, സ്പെഷ്യൽ എജുക്കേറ്റർ ബിന്ദു ബേബി എന്നിവർ ആശംസകൾ അർപ്പിച്ച് സംസാരിച്ചു.
കുട്ടികൾക്കും രക്ഷിതാക്കൾക്കും സിനിമ കാണുന്നത് ഒരു പുതിയ അനുഭവമായിരുന്നു. അവർ അത്യന്തം സന്തോഷത്തോടെ പരിപാടി ആസ്വദിച്ചു. ലയൺസ് ക്ലബ്ബിന്റെയും, തിയറ്റർ ഉടമ ശ്രീ ടോണി വർഗീസിന്റെയും സഹായസഹകരണത്തോടെയാണ് ഈ പ്രോഗ്രാം സംഘടിപ്പിച്ചത്.
Content Highlight; Film screening held as part of Disability Day celebrations